السلام عليكم ورحمة الله وبركاته
ازيكم يا دكاترة وعلماء المستقبل
انا عايزة اتكلم معاكم عن مرض شاغل تفكير كل العلماء والاطباء
وطبعا اكيد هيشغل بالنا ,, مش احنا طلبة علوم ولا ايه
ومستوى تفكيرنا عالى جداا .. ,, فى حد عنده اعتراض
اكيد لأ طبعـــــــــــــــــا
المهم انا عايزة اتكلم معاكم عن مرض السرطان وليه اتسمى بالاسم ده ؟
ومتخافوش مش هطول عليكم .. انا عارفة انكم مش فاضين ..
فى البداية هتسألونى ايه هو السرطان ,, وايه سبب تسميته بالاسم ده بالذات ؟؟
هو عبارة عن خلايا تنمو بطريقة غير طبيعيه وبدلاً من تعويض الخلايا التالفه فقط ، تتكاثر تلك الخلايا بشكل كبير ودون توقف فتطغى على العضو المصاب مشكلة مايسمى بالورم.
وهو مجموعه من الأمراض (اكثر من 100 مرض) تتشابه في بعض الخصائص فيما بينها، وقد سميت بالسرطان لأن الأوعيه الدمويه المنتفخه حول الورم تشبه اطراف سرطان البحر. وهذا المرض او هذه الأمراض تنتج عن خروج الخليه عن السيطره. يحدث تغير
في خلية ما يجعلها تخرج عن نظام التحكم الذي يتحكم في عمل الخليه كما في الخلايا السليمه.
كتير منكم هيسألنى :: إيه سبب بداية السرطان فى الجسم ؟؟
هرد عليكم واقولكم ..ان فى العديد من النظريات اللى وضعت عشان تفسر سبب وجوده ..
فى الاول قالوا ان خطأ ما حدث في الحامض النووي عند الإنقسام وهو ما يسمى بحالة "التبدل" او mutation . نسبة حدوث خطأ في الحامض النووي عند الإنقسام تزيد بتزايد التعرض لمسببات السرطان مثل القطران في دخان السجائر.
العديد من هذه الأخطاء بإختلاف مسبباتها تحدث في جسم الإنسان الا ان جهاز المناعه في الجسم يتعرف عليها لإختلافها عن بقية الخلايا ويقوم بتدميرها.
احياناً يفشل جهاز المناعه بالتعرف على هذه الخلايا لتشابهها مع بقية الخلايا فتقوم بالإنقسام وتتسبب بوجود السرطان.
جات النظريات الحديثة قالت ان السبب هو وجود خلل جيني بسيط لا يمكن لجهاز المناعه من ملاحظته وذلك الخلل مع الوقت يتسبب بخروج الخليه عن السيطره ومن ثم ظهور السرطان. هذه النظريه تفسر ظهور بعض انواع الأورام في اكثر من فرد من عائله واحده.
كفاية كده عليكم يا دكاترة ,, واتمنى انكم تكونوا استفدتم زيى ,, وان شاء الله مكملين مع بعض
كانت معكم طالبة فى قسم الكيمياء الحيوية
بقلم : شروق عوف .
