البطااااااااطس
اشمعنا ...
هنستظرف
من اولها اسمعنى للآخر وبعد كده اتكلم ..
آسف
يا ستى ..
معلشى
لسانى عايز قطعه ,,بس استغربت من بدايتك مش اكتر
اللى اعرفه الناس بتبدأ بــ " ازيكم الحمد
لله الحاجات دى يعنى "
بس
عموماا كملى .. كلى آذان صاغية
اووووووووووووك
.. هكمل اصل البطاطس مش مجرد حاجة بتتاكل وطعمها حلو .. ده الموضوع كبير
بص
يا سيدى ::
فى
الفترة الآخيرة دى اتثبت ان البطاطس المقلية فيها ماده من مسببات السرطان اسمها " الاكريلاميد "
وعلى
فكرة مش موجودة فى البطاطس بس دى موجودة فى الفطاير المغلفة بالبلاستيك وحبوب
الفطار
مستوى
الاكريلاميد فى الاطعمة دى اكتر من اللى محدداه منظمة الصحة العالمية .
و
فى بحث اعلن عنه فى السويد سنة 2002 إن الاكريلاميد مادة مسرطنة تؤدى إلى تلف
الاعصاب .
تعالوا
نتكلم شوية عن ايه هو " الاكريلاميد " ؟؟ وايه مدى خطورته اللى خلت منظمة الصحة
العالمية
بجلالة
قردها اصدرت بيان له فى مارس 2005 ؟؟
هو
عبارة عن مادة صناعية كيميائية بيستخدموها فى انتاج وصناعة السلع البلاستيكية والاصباغ
وتنقية مية الشرب من المواد الصلبة .
بيهاجم
الانسجة العصبية للمخ وبيسبب السرطان ..
وبرده
هى مادة كيمائية بتتكون اثناء عملية الطهى وتعرض الطعام لدرجة حرارة عالية .
اقولك
ازاى اكتشفوا المادة دى وامتى ؟؟
الحكاية
بدأت سنة 1997 فى السويد كانوا بيبنوا نفق واستخدموا مادة لاصقة بس من نوع رخيص
وكان
فيها مادة " الاكريلاميد " فتسربت المادة دى لآبار المياة الجوفيه ,,
والعمال اللى شغالين فى بناية النفق
بعد
ما خلصوا اشتكى 20 منهم من تنميل فى الاصابع والقدمين والذراعين .. غير الصداع
والدوخة والتهاب العين والرئة ..
غير
ان فى 45 عامل اللى اتعرضوا للمادة دى بس بنسبة 30% ظهرت عندهم اعراض خلل فى
الجهاز العصبى .
فبدأوا
يقارنوا وجود المادة دى فى دم المصابين والناس اللى متصبتش ولقوها بنسبة عالية
جداا ف المصابين .
عملوا
ابحاث واختبارات عشان يشوفوا المادة دى موجودة فى اى انواع من الاكل
لاقوها
موجودة فى النشويات المحمرة والمخبوزة ..
وعلى
فكرة المادة دى بتتكون بالاخص فى الاكل اللى بيحتوى على نسبة عالية الكربوهيدرات
وقليل من البروتين
طبعاا
ده مع اطالة عملية الطبخ فى درجات حرارة عالية ..
الموضوع اكبر من انى اكل طبق بطاطس مغرى وطعمه حلو ,, ده فيه مادة مسرطنة يعنى سرطان ..
يعنى مش هزار ..
فى ناس هتقولى خلاص يعنى جات ع الطبق البطاطس اللى هاكله ..
هقولك لأ ده مش مرض هقول عادى قرصين دوا وهخف ,, كلكم عارفين ايه هو السرطان .. عافاكم الله .
ياستى متقفلهاش فى وشنا كده مش ناقصين هتبقى انتى والبلد علينا .
والله مش بخوفكم .. اعتبروها نصيحة عشان تخلوا بالكم من صحتكم ..
تشكرى يا ستى جميلك ده والمعلومة دى فوووووج فووووج راسى ,, فى معلومة تانية .
لأ كفاية كده عليكم النهاردة ^_^ ربنا يرزقكم الصحة ويشفى كل مريض .
بقلم : شروق عوف .
