بداية مساء الخير عليكم
سيداتى سادتى مشاهدينا الاعزاء نرحب بكم فى برنامجنا " حيلهم بينهم الصلح خير " ^_^
ولنا لقاء متجدد مع ضيوفنا الاعزاء اللى العلاقات بينهم والنفسيات مابنيهم فيها شوية مشاكل
هنعرف ايه سبب المشاكل ؟؟ ولو عرفنا نحلها يبقى تمام , لو معرفنهاش يبقى ربنا يتولاهم
ممكن يبقى مشكلتهم خير لنا يبقى ان شاء الله يولعوا فى بعض :)
المهم ضيوف حلقتنا وصلوا اهم ..
معنا ضيفين .. واحد موجود عشان يحل المشاكل اللى التانى عملها ,
والتانى وجوده فى الجسم بيسبب مشاكل مش قليلة ولا سهله .
رحبوا معانا بالاستاذ " مضاد الاكسدة antioxidant " , "الجذور الحرة free radical "
بداية هنوجه سؤالنا لــ " الجذور الحرة " .. ممكن تكلمنا عن نفسك أكتر ؟؟
الجذور الحرة : انا عبارة عن ذرات نشطة كيمائياا عندى شحنة بسبب زيادة أو نقص عدد الالكترونات
ونتيجة وجودإالكترون او اكتر غير مزدوج سببت انى عندى عدم ثبات عالى جداا
وبالتالى عشان ابقى ثابت ياإما افقد او اكتسب الكترونات على حسب احتياجى . عن طريق مهاجمة الجسم وخلاياه
وده طبعااا بيؤدى إلى تلف الخلايا والبروتين والمادة الوراثية DNA .
وعلى فكرة عمليات الاكسدة دى برده بتسبب فساد الاطعمة الغنية بالدهون والذيوت وتعفن التفاح وصدأ الحديد ..
أنا : يكفى هذا سيد " الجذر الحر " حتى نعطى فرصة ل للاستاذ " مضاد للاكسدة " ليتكلم :)
الجذور الحرة : طيب ممكن اقول حاجة أخيرة قبل ما تنتقلى له ؟
أنا : اتفضل .. لكن بسرعة عشان وقت البرنامج .
الجذور الحرة : أنا ممكن اتكون نتيجة " التلوث , ضوء الشمس , أشعة إكس , والتدخين , وشرب الكحول وغيرها .
أنا :الآن سأوجه كلامى للسيد " المضاد اكسدة " .. ممكن حضرتك تعرفنى بنفسك ؟؟ لأن واضح كده أنك هتكون على حق
وهتفيدنا فى الأخر ^_^
المضاد الأكسدة : بشكرك جداا على كلامك وبالفعل هكون أنا السبب فى انقاذ حياتكم من أمراض عديدة وخطيرة
وهفيدكم فى حاجات تانية برده .
انا جزئ قادر على ابطاء او منع عمليات الاكسدة فى الجسم عن طريق تأخير عمليات الاكسدة بطرق مختلفة ومنها إزالة الجذور الحرة, وزى ما الجزئ الحر قال قبل كده
ان عمليات الاكسدة بتؤدى إلى تلف الخلايا والبروتين فى الجسم
مع ان تفاعلات الاكسدة بتمثل عصب الحياة إلا انها ممكن تكون متلفة ومضرة ايضااا :(
وأنا بابقى موجود فى الغذاء على هيئة فيتامينات ومعادن وبرده مع الانزيمات
كل ده بيمنع تطور و نمو كتير من الامراض الخطيرة زى " السرطان وامراض فى القلب و الزهايمر وغيرها " .
وبرده بيضفونى للاغذية بتراكيز منخفضة عشان يحفظوا الاطعمة ويأخروا فسادها .
من اهم المضادات الحيوية : فيتامين إى , فيتامين ج , الجوز والرمان , والتوت البرى وتوت العليق , الثوم
عشان كده بينصحوا بتناول الخضار والفاكهة لوجود فيهم مضادات اكسدة كتير ..
يعنى من الاخر انا اللى مفيد جداا للجسم
والمشكلة بينى وبينه فلازم انى اتخلص منه فى سبيل سلامة الجسم .
وانا كمان جايب معايا فيديو توضيحى للى بيعمله " الجذور الحرة " ودورى فى جسم الانسان .
واحب اشكر الضيفين اللى كانوا معانا النهاردة
واللى اتضح من كلامهم ان وجود الاستاذ " المضاد للاكسدة " هو نعمة من الله لانقاذنا للاضرار التى قديؤدى لها السيد " الجذر الحر "
وأحب اشكر كل متابعين البرنامج ^_^
السلام عليكم ورحمة الله وبركاته .
المصدر : 1,2
بقلم : شروق عوف .
