اعتراف :
لما دخلت اللجنه اللي انا فيها #الرياضيه " اتحاد طلاب " كنت فاكره عشان اخلي البنات تشارك اني لازم اغير فكر البنات اللي ممكن يكون مقفول ف حيز انو عيب و كده !
بس الحقيقه دا مش صح لقيت البنات عندهم رغبه انهم يشاركو و ان كان في نسبه منهم كانت زي المتوقع .
بس لقيت حاجه تانيه ... لقيت ان المجتمع اللي هوا ع الجهه التانيه الصبيان هما اللي مستكترين ع البنات تلعب و بيتعاملو ان فعلا المشكله في البنات زي ما كان اي حد متوقع بس في جزء كبير من الفكر اللي لازم يتغير عند الصبيان زي ما هو عند البنات ..
نيجي بأه ع البنات اللي هما حابين يشاركو و يلعبو بس في حاجه تانيه بتوقفهم .... #البيت
الموضوع قضيه مجتمع بأكمله .!
مبقاش في ثقافه للرياضه في مجتمعنا و مفيش عدد بيلعب رياضه و لو في يبقي هنلاقي حاجه موازيه ليها و هيا التعصب .
و العجيب ان المتعصبين دول و لا يفهمو ف الرياضه و لا بيلعبوها اصلا -_-
شويه كروش قاعده بتفتي و خلاص .
لو حصل و كل حد من دول بدل ما عمّال يفتي ف اي موضوع و يفتي ف سياسه دمرت بيوت و علاقات المصريين ببعضهم و لعب رياضه أيا كان نوعها بس رياضه و ان كانت مجرد مشي ف دا كدا طلع طاقه عندو و صحتو تكون احسن .
القضيه زي ما قولت قضيه مجتمع و اللي عاوز يتوعي بيها كل حد في المجتمع دا
و كل حد فينا لازم يبص للموضوع من منظور تاني و يحاول يغير و ان كان بكلامات
احنا فعلا نسينا الرياضه دي من حياتنا و همشناها مع انها اصلا الحل ل حجات كتير و مشاكل موجوده و معقده موجوده في حياتنا
والمفروض تكون احد روتينيات حياتنا .
الرياضة حياة بها نصنع الحياة .
بقلم : سارة راضى .
