هنتكلم انهرده عن مشكله بتواجهنا فى المجتمع
وهى نقص الحديد ودا منتشر شويه
----------------------------
الحديد دا بقى حكايته حكايه
رغم ان الجسم مش فيه غير 3-5 جرام حديد بس لكن مهم جدااااا
50 % من الحديد بيكون هيموجلوبين الدم و 10 منه فى العضلات و الباقى ف الكبد والكلى
-----------------------
طب اى اللى بيساعد فى امتصاص الحديد :
البروتين وفيتامين سى ....وكمان حموضه المعده تساعد فى سرعه امتصاصه
وتزيد الاحتياجات من الحديد فى فترات الحمل والرضاعه
------------------------
طب نعرف ازاى احنا عندنا نقص حديد ولا لا؟؟
تلاقى الشخص اللى عنده نقص حديد عنده ضعف كدا ووشه اصفر وبيتنفس بسرعه وضربات قلبه سريعه لما يعمل اى مجهود ولو بسيط ويبقى عنده صداع دايما
----------------------
طب هل فى اسباب تانيه لنقصه
اه فى طبعا : النزيف بأنواعه ...
سيوله الدم .....
الطفيليات زى البلهارسيا
-------------------------
طب تمام الحديد موجود فين بقى؟
كبده والطحال والكلاوى والحاجات اللى انا مش بحبها دى
فى الخضار الورقى والبقول المطهيه زى الفاصوليا والعدس
صفار البيض والخبز والعسل الاسود وبرتقال والزبيب والبلح والفول
بس طبعا اعلى نسبه للحديد فى الكبد تصل من 8 -10 ملجم / 100 جم
--------------------
كتابة : سمر صقر
