علاقة الأشعة و الأكل !

مشاركة

علاقة الأشعة و الأكل ..

بقلم : د / آية الألفى 

النهاردة هانتكلم عن موضوع غريب شويتين علااقة غريبة بين حاجتين المفروض انهم مش ليهم علاقة ببعض ..

المهم من غير ضرب الموضوع ده هو علاقة الأشعة و الأكل ..... ايون بالظبط كده 

ندخل بقا ف الموضوع ع طول و نجيب أول علامة : 

فقرة البان كيك :

* دى بقى عبارة عن فقرة عظمية بيصوروها بالأشعة لقوها مش ف الوضع الطبيعى بتاعها (المفروض بين كل فقرة والتانية مسافة كدا بتاع الغضروف اللى بينهم ) المهم انهم لقوا الفقرة واقعة على اللى تحتها و الغضروف مش موجود و السبب بيكون ضربة أو حادثة أثرت على العمود الفقرى أو حالة مرضية زى انتشار بعض السرطانات ف العضم أكل الغضروف وخلى المنظر مشابه للبان كيك فوق بعضه .

فقرة البان كيك

أشعة التفاحة الشبه مأكولة : 

* ودى بقى واحد عنده للأسف سرطان فى جدار القولون و أدى الى ضيق القولون من الداخل

* بيجوا يكشفوا عنه بأنهم يعطوا العيان صبغة اسمها الباريوم يشربها أو الأحسن هنا بيحقنوها عن طريق فتحة االشرج

* وبعدين يشوفوها ف الأشعة يلاقوا نفس منظر التفاحة مأكولة من النص وده مكان الضيق

أشعة التفاحة شبه المأكولة 

نقلب شوية على الفاكهة مفيدة انتوا عارفين :D

المثانة البولية الكمثرية : 

* شكل المثانة فى الأمراض اللى بتصيب الحوض و بتشغل مكان يقدر انه يضغط على المثانة ويخليها زى الكمثرى

* الأمراض دى زى:

* تجمع دموى كبير ف الحوض

* تضخم الغدد الليمفاويىة ف الحوض

المثانة البولية الكمثرية

* امممم المردة دى عندنا الفواكه المدورة اللى الى حد كبير بتكون شبه راس البيبى داخل الرحم ومن خلالها بنحدد أمراض معينه عند الطفل قبل ما يتولد !! .....

الرأس الفراولة ... ! 

* شكل راس الطفل داخل الرحم و الدكتور بيكشف بالموجات الصوتية (الصونار) بتكون شبه الفراولة يعنى مدببة من قدام و ده بسبب نقص تكوين الفص الدماغى الأمامى فالبتالى يعطى شكل الفراولة وده بيظهر فى مرض يعرف بمتلازمة ادوارد (ابحثوا عنه ..)

الرأس الفراولة 

الرأس الليمونة ...!

* ده كمان ممكن يكون شكل راس البيبى و هو داخل الرحم بيظهر من الشهر الرابع للسادس و ده علامة مميزة لعيب خلقى (تشوه فى الحبل الشوكى ) و بيكون السبب ان الأم لم تتناول حمض الفوليك فى أول شهر من الحمل ...

الرأس الليمونة 

علامة الفشار :

* ده بقا بسبب زيادة ترسيب الكالسيوم ف بعض الأماكن ىالرئة فى حالة أحد أنواع الأورام ف الرئة

علامة الفشار

علامة قشر البيض : 

* و ده نتيجة أمراض مزمنة ف الرئة تؤدى الى تضخم العقد الليمفاوية الموجودة ف الرقبة و التضخم

علامة قشر البيض

أشعة حبات الرز :

* ده بقى ليه قصة كدا... دودة معينة مش مهم اسمها المهم ان الدودة دى بتحب تعيش ف عضلات الانسان غريبة مش كدا .. الدودة دى لما بتقعد فترة طويلة ف العضلات بتموت و يترسب عليها شوية كالسيوم فلما يعملوا أشعة ع العضم و طبعا العضلات مش بيتبان ف الأشعة لأنها نسيخ رخو الأشعة تخترقه فايبان أسود و تبان الدوده دى زى حبات الرز .

أشعة حبات الرز 

 و دى كانت من أوضح الأشعات اللى بتجمع بين علامات ف الأكل و أمراض مختلفة

 أتمنى ان الموضوع يعجبكوا و تستفادوا

 وياريت تحاولوا تبحثوا أكتر لو شدكوا الموضوع  :)

 Aya Elalfy