ازيكوا النهارده ؟؟؟ اكيد عايشن الحمدالله ...يارب دااايما
كدكتورة بيطرية وانا ماااشية شايلة البالطو والي رايح والي جااي اتفضلي يا دكتورة ... اهلا يا دكتورة .. مش عارفين الحقيقة ...
وأول ما تتسأل انتي دكتورة ايه ؟؟ أرد واقول بيطري ..
ياااه بكل بساطة دكتورة بهايم يعني ومحسسني انهم بيشتموني ... احب اقولكم ابسلوتلي خااالص ولا بتفرق ...
وانا جاية النهارده عشان اقولكم على موضوع مهم اوووي لازم نكون عارفينه كلنااا ايه هو ؟؟!! هاا ايه ؟؟ ايه
اقولكم هكلمكوا عن " الامراااض المشتركة بين الانسااان والحيوان "
في اوقاات كتير بيكون اهالينا الي موجودين ف المناطق الريفية وبيتعاملوا مع الحيوانات باستمرا مش مدركين حجم المخاطر الي ممكن يتعرضولها ...
النهارده هنحااول نخليهم يوسعوا مداركهم شوية ويركزوا معانا عشان نوصل سوااا لمنطقة امنه للتعامل مع الحيوانات
أول كلامي هيكون عن البيروسولا او " حمى البحر المتوسط "
دا مرض بيصيب الانسان وبيتنقله عن طريق حاااجتين ... " طبعا عايزين نعرف ايه هي
اول حاجه ممكن يتنقل عن طريق تناول اللبن الغير مغلي جيداا يعني كلنا لازم ناخد بالنا ف البيت من غلية اللبن عشان محدش فينا لا قدر الله يتصاااب بيه
وتاني حااجه ممكن عن طريق التعامل المباشر مع فضلات الحيوانات المصابة بالنسبة للدكاترة البيطرين او العاملين ف المزارع ودا مشاااكلة كتير وممكن يأثر على مستقبل البشرية
هههههههههههههه نتكلم بجد بقى ..
هو ممكن يصيب الانسان بالتهاب الخصيتين او العقم ...
عشان كده لازم كلنا ناخد بالنا وبالنسبة للدكاترة للزم يلبسوا قفازات طويلة وكمامة اثناء قيامهم باجراء اي عملية لاي حيوان مصاب او اجهاااض لاي حيوااان
وعلاج المرض دا بيكون في اننا نتناول مضاد حيوي طويل المدى لمدة 6 شهور تقريبا ...
وبكده نكون اتكلمنا شوية عن اول مرض ممكن يتنقل من الحيوان للانسان والي لازم نكون حريصين داايما اثناء تعاملنا مع اي حيوان لانه ممكن يكون مصاااب وربنا يحمينا كلنا ...
هنتكلم المرة الجااية عن أمراااض تانية اكتر منها : السعااار او السل او الضرر وطبعاا اكيد هنجيب ف سيرة انفلونزا الطيور وانفلونزا الخنازير (H1N1 ) الي قيل عنها انها هتبيد ثلث سكااان العالم وكل العالم اتخذ اجرءاات قاسية جدا عشان يتحاشاهااا ...
كنتم مع ... دكتورة بيطرية بس لسه ف اوووولى
.jpg)