التوتر وتأثيره علينا

مشاركة

                            

ساالخير عليكم يا دكاترة ^_^ 

سؤاااااال يؤرقنى .. حلوة يؤرقنى دى 

والله انفع .. مش بقولكم متواضعة محدش صدقنى  :P

   ^_^ عمومااا عشان الحسد 

  امتى  آخر مرة اتوترت فيها ؟؟

 وليه اساسا بتتوتر ؟؟ 

محدش يرد ع السؤال و يقولى اهو غلاسة وخلاااااااص   :p

وايه الجينات اللى بتشتغل فى الجسم واحنا متوترين ؟؟ 

وايه اللى هيحصل لو زاد التوتر عن حده ؟؟؟

اقولك يا سيدى : :)

الباحثون قالوا ان التوتر بيأثر على القلب ,

وهناك دراسة جديدة وجدت بأن المتغير الوراثي الذي يجعلنا أكثر استجابة للتوتر العاطفي والذهني،

يزيد من فرص تعرضنا للإصابة بنوبة قلبية قد تصل حدتها إلى الوفاة .

 #وفاااااااااااااة ؟؟!!! :/ :o 

انت بتكلم بجد يا كاااااابتن ؟؟!! .. يعنى الواحد يتوتر شوية يموت :( 

اه يانى ياما يانى ياما :( 

لا لالالا متقلقيش .. اسمعينى للاخر .. مش كل واحد يتوتر شوية يموت

زى مانا اقولتلك قبل كده هما درسوا علاقة التوتر بالمتغير الوراثى 

فبدأوا يركزوا على جزء من الحمض النووى اللى بيتحكم بتشكيل مستقبلات السيروتونين .. والتغير فى الجين ده هو اللى بيزود رد الفعل تجاه التوتر عن الطبيعى .

وعملوا دراسة تانية لقوا ان الناس اللى عندهم الجين ده بيكون عندهم هرمون الكورتيزول ( هرمون التوتر يعنى )

 بيكون مضاعف عن الناس اللى معندهمش نفس الجين فى حالة التوتر .

وأظهرت النتائج بأن الأشخاص الحاملين لهذا الجين، كانت نسبة تعرضهم لنوبة قلبية أعلى بنسبة 38% من غيرهم. علما أن 13% تقريبا من الأشخاص الذين خضعوا للدراسة، يحملون هذا الجين

وهرمون الكورتيزول ده مسئول عن مدى مقاومة الجسم لمسببات التوتر .. لكن لو استجابة هذا الهرمون زادت اووووى  عن الطبيعى ..

هيؤدى الى التأثير على جهاز المناعة , ونسبة السكر فى الدم ,وعمليات الايض ,والجهاز التناسلى .. كل ده كفيل انه يأثر على القلب والاوعية الدموية ..

بس على فكرة انا لو عرفت احدد لو الشخص ده عنده الجين ده ولا لأ .. هعرف ازاى اعمله وقاية من النوبات القلبية ..

ردااااا على سؤالى : هو انا بتوتر ليه ؟؟ .. تعالوا نتكلم بصراحة

فيها لو اتكلمنا بصراحة ^_^ =D

 مش عارفة  :( o.O

   .. بس تصدقوا توترى توتر طبيعى ..

متقلقوش عليا ..  للدرجة دى خايفين علياااا ^_^

مش ملاحظين حاجة ::

انا بدأت ارد على الاسئلة اللى قولتها من الاخير للاول ^_^

معلشى #متوترة :) مستنية النتيجة بتاعتى =D

 كفااااااااااية كده لانى حاسة انى طولت عليكم ,, وهتضربونى  :):p

بقلم : شروق عوف .