نوبل فى الطب 2013

مشاركة

أكتوبر هو شهر الإعلان عن الفائزين بجوائز نوبل كل سنة , و السنة دى 2013 بدأ الإعلان عن الفائزين بنوبل بفرع الطب و الفسيولوجيا و فاز ثلاث علماء و هم

" جيمس روثمان  - راندى شيكمان – توماس سودوف " .

و دا كان بسبب اكتشافاتهم لنظام النقل داخل الخلايا يعنى تحديدا نقل الجزيئات فى المكان المناسب داخل الخلية و فى الوقت المناسب J .

اما بقى لو حبينا نتكلم اكتر فى تفاصيل الانجاز اللى حصلوا من خلاله على نوبل :

فتعالوا نبدأ الموضوع من اوله لما كنا فى الاعدادى او الثانوى و كان مدرسين العلوم و الاحياء يتكلموا معانا عن الخلية يقولولنا الخلية دى يا ولاد زى المصنع بينتج و يصدر شوية جزيئات كدا :D  لمكان معين فى وقت معين , و طبعا النقل داخل الخلية دا مهم خصوصا زى دوره فى نقل الاشارات العصبية و الهرمونات و خلافه      (Y)

#معلومة_على_الجمب كدا : فى حويصلات صغيرة هى اللى بتنقل زى الفقاقيع و محاطة بالأغشية بتنقل الجزيئات بين العضيات او خارج الخلية عموما "" هنحتاج النقطة دى فى الشرح "  :D

نيجى لأول واحد #راندى_شيكمان جه فى السبعينيات قرر انه يدرس الاسس الوراثية لنظام النقل اللى بيحصل فى الخلية و استخدم الخميرة كنموذج , المهم يعنى انه فى الاخر اكتشف 3 فئات من الجينات بتتحكم فى جوانب مختلفة من نظام النقل اللى بيحصل فى الخلية و بالتالى كدا قدملنا رؤية جديدة عن نظام نقل الحويصلات فى الخلية .... (1)

بعدها بقى فى التمانينات و التسعينات , #جيمس_روثماناكتشف مركب بروتينى مسئول عن اندماج اغشية#الحويصلات اللى قلت عليها فوق اللى هى بتبقى حاملة المواد و الجزيئات و دى تعتبر خطوة مبدئية لدخول الخلية  J و عشان البحث دا عمنا العالم روثمان كان جرىء اوى لدرجة انه بنى نظام النقل الخلوى فى المعمل بتاعه و قعد يدرس مكوناته 

... (2)

نيجى بقى من (2) نفسر النقل بيحصل برا الخلية كالتالى : ان لما بيحصل اندماج لاغشية الحويصلات , البروتينات الموجودة على الغشاء بترتبط ببروتينات تانية موجودة على غشاء الخلية اللى الحويصلة رايحة ليها , و عشان الدقة فالبروتينات دى بتبقى عاملة زى #القفل و #المفتاح يعنى كل نوعين محددين بيرتبطوا ببعض مش مجرد اتنين و خلاص و دا بيضمن لينا كدا ان الجزيئات بتوصل لمكانها المناسب  ^_^ و دا فى الثديات او فى خلايا الانسان ^_^ 

لما درسوا بقى (1) و (2) اكتشفوا ان الجينات اللى اكتشفها#شيكمان فى الخميرة ترمز لبروتينات مماثلة للى اكتشفها#روثمان فى الثدييات , و يبقى كدا عرفنا نظام النقل انه بيوصل للخلية المناسبة يتبقى بقى انها توصل فى الوقت المناسب ^_^ 

نرجع تانى للكلام اللى قلناه ان الناقلات العصبية كمثال بتنتقل من خلال اندماج حويصلاتها بالغشاء الخارجى للخلايا العصبية اللى هى الالية اللى اكتشفها روثمان و شيكمان فوق زى ما قلت . , بس هنا بقى النقطة المهمة ان الحويصلات دى مبتفرغش عن محتوياتها الا لما الخلية العصبية تبعت اشارة لجيرانها اللى جمبها ان فى ناقل عصبى او سيال عصبى جايلك يا خلية يا جارتى على غشاء الحويصلة J و كان معروف ان #الكالسيوم بيشارك فى العملية دى و هنا بقى دور العالم  التالت #توماس_سودوف  :D

بدأ عمنا العالم #سودوف انه يبحث عن البروتينات الحساسة للكالسيوم فى الخلية العصبية , و بدأ كدا يحدد الالية اللى الجزيئية اللى بتستجيب لتدفق ايونات الكالسيوم اللى بتبدأ توجه اقرانها " البروتينات الحساسة " و اللى بتبقى مسئولة عن ربط الحويصلات بالغشاء الخارجى للخلية و يبدأ هنا يتدفق الناقل او السيال العصبى فى المدة الزمنية المحددة دى .... (3)

يبقى كدا سودوف قدر انه يحدد الية الدقة الزمنية اللى بتخلى الجزيئات توصل للخلية من خلال اشارات معينة . و يبقى كدا حصلنا فى الاخر من خلال التلات علماء دول عن معرفة نظام النقل داخل الخلايا و نقل الجزيئات للخلية المناسبة فى الوقت المناسب . 

طبعا اى خلل بيحصل فى نظام النقل دا بيأدى لمجموعة من الأمراض زى السكر غير باقى الاضطرابات العصبية  ^_^ 

كتابة : سعد لطفى 

4

0