اما اللى فازوا بنوبل 2013 فى الفيزياء فهم العالم البريطانى " بيتر
هيجز " مناصفة مع البلجيكى " فرانسوا أنجليرت "
و دا لدورهم فى اكتشاف هيجز بوزون J
الجدير بالذكر بقى ان العالمين الاتنين دول انتظروا حوالى 49 سنة عشان
اللحظة المميزة دى ^_^
اما بقى " هيجز بوزون " دا اللى اخدوا نوبل عن اكتشافه عشان
نتكلم عنه ناخد الموضوع من بدايته خالص :D
سنة 1964
بيتر هيجز , توقع او افترض ان فى حقل او مجال طاقة بيخترق مجال الكون كله
وطبعا كالعادة سمى المجال دا باسمه " مجال
هيجز او حقل هيجز . " higgs field " .
نفهم بقى الاول موضوع مجال هيجز دا عشان نقدر
نفهم هيجز بوزون :D
السبب اللى خلاه يقول ان مجال طاقة باسم مجال
هيجز هو ان محدش كان عارف ليه بعض الجسيمات التحت ذرية " مكونات الذرة يعنى
" بعضها كتلته كبيرة و بعضها كتلته اصغر و البعض التانى شبه منعدم الكتلة :O
الحقل او المجال اللى عمنا بيتر افترضه دا بقى قال انه هيتفاعل مع
الجزيئات دى فالجزيئات الكبيرة هتتفاعل معاه و و الجسيمات عديمة الكتلة مش هتتفاعل
على الاطلاق .(Y)
الموضوع اتعقد اكتر :D عشان نفهم موضوع مجال
هيجز دا هنقول مثال بسيط , عندنا مية او بحر و سمكة صغيرة و راجل طخين .
السمكة الصغيرة بتسبح بسهولة و انسيابية فى الماية
بينما الراجل الطخين دا بيسبح ببطء و صعوبة " الغالب يعنى " .
بس يا سيدى يبقى بناء ع المثال السابق المية او البحر هو دا مجال هيجز
و السمكة الصغيرة هى الجسيمات اللى كتلتها صغيرة فنسبة تفاعلها مع الماء بتبقى
صغيرة فتتحرك بسهولة , بينما الراجل الطخين دا الجسيمات الكبيرة بتتفاعل بصورة
اكبر مع الماء فتبقى كتلتها فى المية كبيرة و بتتحرك بصعوبة اوووووووى " ^_^ تشبيه سهل و بسيط صح " :D
نيجى بقى
فى الجسيمات الذرية عندنا الالكترون هو اخف الجسيمات الذرية , بينما الكوراك القمى
او Top Quark دا بيسموه ملك الكتلة :O حوالى 350 الف مرة اكثر " اثقل " من الالكترون .
كتلة الكوارك القمى
الكبيرة مش بسبب حجمه ابسلوتلى هو و الالكترون نفس الحجم بس اللى بيخليه كتلته
كبيرة و الالكترون صغيرة هو انه بيتفاعل اكتر مع مجال هيجز اللى قلنا عليه فوق ^_^ بينما الالكترون بيتفاعل بصورة اقل مع المجال دا L .
نيجى بقى للموضوع الاساسى
اللى هو هيجز بوزون :D ايه بقى هيجز بوزون دا :O عرفنا ان احنا عندنا حاجة اسمها مجال هيجز و شبهنا ليها بالمية
. اهو هيجز بوزون دا بقى اصغر جسيم موجود فى مجال هيجز .
عشان نعرف هيجز بوزون دا
اكتر نرجع تانى للتشبيه بتاع المية
عندنا طبق كبير مليان مية :D طبعا كلنا عارفين ان المية بتتكون من جزيئات H2O . ملايييييين من الجزيئات دى ^_^
بس يا سيدى هنقول ان المية
هى مجال هيجز و الجزيئات اللى المية بتتكون منها هى دى هيجز بوزون :D الجزيئات دى تبدأ تتفاعل مع الجسيمات الذرية و
على حسب بقى اللى يتفاعل اكتر يبقى معاه كتلة اكتر لانه بيتفاعل مع جزيئات اكتر :D
و
هو دا هيجز بوزون المسئول عن اكتساب المادة لكتلتها J
كتابة : سعد لطفى
